ბაღდათში ხანძარს 4 მცირეწლოვანი და 2 ქალი ემსხვერპლა

ბაღდათში საცხოვრებელ სახლში გაჩენილ ხანძარს 6 ადამიანის სიცოცხლე ემსხვერპლა. გარდაცვლილია ოთხი არასრულწლოვანი და მათი ექვსი თვის ორსული დედა.
როგორც ცნობილია სახლში იმყოფებოდა კიდევ ერთი ქალბატონი, ოჯახის მეგობარი, რომელიც მაშველებმა მოგვიანებით შემთხვევის ადგილზე ასევე გარდაცვლილი იპოვეს. ხანძრის გაჩენის სავარაუდო მიზეზად საცხოვრებელ სახლში არსებული ბუხარი სახელდება.
დაღუპულთა ცხედრები ქუთაისის ექსპერტიზაზე გადაიყვანეს.


შინაგან საქმეთა სამინისტროს განმარტებით
საგანგებო სიტუაციების მართვის სამსახურის თანამშრომლებმა გამოძახებაზე რეაგირება უმოკლეს დროში მოახდინეს და შემთხვევის ადგილზე 2 წუთში გამოცხადდა სახანძრო-სამაშველო ჯგუფი.

“ადგილზე მისული მეხანძრე-მაშველების ინფორმაციით, იწვოდა ხის ორსართულიანი საცხოვრებელი სახლი. ხანძარი გავრცელებული იყო, დაახლოებით, 200 კვ/მ ფართობზე.
ხანძრის ლოკალიზაციის შემდეგ მეხანძრე-მაშველებმა 5 ადამიანის ცხედარი იპოვეს. მათ შორის იყო 1 ქალი და 4 არასრულწლოვანი. მოგვიანებით, ადგილზე ნაპოვნი იქნა კიდევ ერთი - ხანშიშესული ქალის ცხედარი”- განმარტავენ შინაგან საქმეთა სამინისტროში.

ამ დროისთვის ხანძარი სრულად ლიკვიდირებულია.

ადგილზე მუშაობდა საგანგებო სიტუაციების მართვის სამსახურის 6 სახანძრო-სამაშველო ჯგუფი. ასევე, მობილიზებული იყო ყველა შესაბამისი სამსახური.

მომხდართან დაკავშირებით, შინაგან საქმეთა სამინისტრომ გამოძიება საქართველოს სისხლის სამართლის კოდექსის 187-ე მუხლის მე-4 ნაწილით დაიწყო.




ავტორი: თეონა წითაძე

ღრმა მწუხარებას გამოვთქვამ მომხდარის გამო. ვუსამძიმრებ ოჯახს და ბაღდათის რაიონს

გოგნის “კარუგდებელი”

ფოტოებისა და სტატიის ავტორი - თეონა წითაძე

ქრისტიანული სამყარო 23 ნოემბერს წმინდა გიორგის წამების დღეს აღნიშნავს. გიორგობას წელიწადში ორჯერ, გაზაფხულსა და შემოდგომაზე განსაკუთრებულად აღნიშნავენ იმერეთის რეგიონში...
კერძოდ თერჯოლის მუნიციპალიტეტის სოფელ გოგნში, სადაც მდებარეობს წმინდა გიორგის სახელობის “კარუგდებელის” მამათა მონასტერი.

თერჯოლა-ტყიბულის დამაკავშირებელი გზიდან სალოცავი 4 კილომეტრში მდებარეობს. ეკლესიამდე მისასვლელი გზა კეთილმოწყობილია. აქ 6 მაისსა და 23 ნოემბერს მომლოცველები საქართველოს სხვადასხვა რაიონიდან ჩადიან. ტაძრისაკენ მიმავალ გზაზე გიორგობის დღესასწაულზე ხალხის ნაკადი არ წყდება. მომლოცველების უმრავლესობას შესაწირად ბატკანი ან ქათმის მამალი მიჰყავს. ზოგი ფეხშიშველი მიუყვება სალოცავამდე სავალ გზას. აქ ხშირად შეხვდებით უშვილო წყვილებს, დავრდომილებს, დასაოჯახებელ ახალგაზრდებს. ბევრია მოწყალების მთხოვნელიცა და გამცემიც.  ხეებზე ფერადი ლენტების შებმისა და სალოცავის სახურავზე მამლების შესმის ტრადიცია წლებია არსებობს.

“მრევლის შენაწირი”
ფოტო: თეონა წითაძე

“წარმართული ტრადიცია”
ფოტო: თეონა წითაძე

გარდა იმისა რომ ადგილი სილამაზითაც არის გამორჩეული, ეს სალოცავი დიდი მადლის მატარებელია. არსებობს ლეგენდა, რომელიც გვაცნობებს ამბავს “კარუგდებელის” აგების შესახებ.  ლეგენდის თანახმად, სოფელ გოგნში ყველა მამაკაცი დაღუპულა და მიზეზი ვერავის გაუგია. სოფლის ერთ-ერთ მკვიდრს სიზმრად უნახავს, თქვენი უბედურების მიზეზი მდინარეში ეძებეთო. მართლაც, მდინარიდან წმინდა გიორგის ხატი ამოუბრძანებიათ და ურემზე დაუბრძანებიათ. ხარები ყველაზე მაღალ ადგილზე ასულან და იქ გაჩერებულან. სწორედ იმ ადგილზე აუგიათ საყდარი. სოფლის მცხოვრებლებმა მოინდომეს ტაძრისთვის კარი დაეკიდათ, წვიმის დროს ტაძარში პირუტყვი თავშესაფარებლად რომ არ შესულიყო. ერთხელ დაკიდეს, ჩამოვარდა, შემდეგ ჯერსეც იგივე განმეორდა. დაუდარაჯდნენ, იქნებ კარს ვინმე აგდებსო. დაღლილებს წამიერად წასთვლიმათ. უეცრად ხმა გაიგონეს და დაინახეს, რომ ტაძარს კარი ჩამოვარდნოდა. გარშემო ყველაფერი დაიარეს და უცხო ვერავინ შენიშნეს. ამის შემდეგ სალოცავს კარი არასდროს ჰქონია, სწორედ ამიტომ სალოცავს “კარუგდებელს” უწოდებენ. ეს ტაძარი მხოლოდ ერთადერთია, რომელსაც კარი არ აქვს.

მომლოცველების დიდი ნაკადისა და ადგილის უკმარისობის გამო, გოგნში, “კარუგდებლის” გვერდით, ილია მეორეს ლოცვა-კურთხევით აშენდა წმინდა გიორგის სახელობის ტაძარი. მასზე დაახლოებით ისეთი ჩუქურთმებია, როგორიც ბარაკონსა და ნიკორწმინდაში. გარდა ამისა ტაძარზე დატანილია ყველა ის ქართული ჩუქურთმა, რომლის მოძიებაც გახდა შესაძლებელი. ტაძარი ბაგრატის ტაძარზე მაღალია. პირველი სართულის 9 მეტრი მიწაშია. მრევლი “კარუგდებლის” მოლოცვის შემდეგ შეძლებს ახალ ტაძარში დაესწრონ საზეიმო წირვა-ლოცვას.

მორწმუნეებმა წინაპრებისგან გადმოცემით იციან ტაძრის სასწაულმოქმედი ძალის შესახებ. მონასტრის წინამძღოლი, დეკანოზი იოანე რევიშვილი საუბრობს რომ სალოცავი მსწრაფლშემსმენელია. წმინდა გიორგი სათხოვარს ბევრს უსრულებს. ყოფილა შემთხვევა კაცი ყავარჯნებით ამოსულა და ლოცვის შემდეგ ხელჯოხით დაბრუნებულა. სალოცავის გვერდით დიდი ჯვარია აღმართული. იმ ჯვრის ძირში რამდენიმე ქვაა. სოფელში ერთი დავრდომილი ბიჭი ცხოვრობდა. წლების განმავლობაში ვერ დადიოდა. მას წმინდა გიორგი გამოეცხადა და უთხრა ამ ადგილზე ტაძარი უნდა აიგოსო. პირველი ლოდი თავად ამ დავრდომილმა ბიჭმა ამოიტანა და მან გავლა შეძლო. 

შემოდგომა და ჭიამაიები (ჩანახატი, რომელიც უბრალოდ უნდა წაიკითხოთ) ♥️

სულ რაღაც ექვსი დღეა შემოდგომის ბოლო თვემ, ნოემბერმა ათვლა დაიწყო.

ამინდის მიხედვით თუ ვიმსჯელებთ, ნამდვილად ვერ ვიტყვით რომ მართლა ნოემბერია. წარმოიდგინეთ: ძალიან ახლოდან ისმის როგორ მიედინება მდინარე ქვემოთ, თითქოს სადმე მიეჩქარება. მას თან ახლავს ჩიტების, ცაში ატყორცნილი ბეღურების მხიარული შელაპარაკება, თითქოს ბუნებას ესაუბრებიან და მნიშვნელოვან ამბავს უამბობენ ერთმანეთს, აი სწორედ ისე ჩვენ რომ დაქალებთან ერთად ფინჯან ყავას ჩაუსხდებით და გაუთავებელ რუტუნს მოვყვებით :) ... მზე, მის უდიდებულესობა, როგორ დინჯად გადმოსცქერის დედამიწას. მის მწველ სხივებს დაუშურებლად აპკურებს შემოდგომის ფოთლებს, ხავერდოვან ფერთა შეხამება, შემოდგომის მკვეთრი, მზისფერი ფოთლები და უამრავი ჭიამაია, რომლებიც თითქოს ცაში, მზის სხივებში იჩეკებიან და დედამიწისკენ მოემართებიან.

სწორედ მათ მიიპყრეს ჩემი ყურადღება, რადგან აქამდე ამდენი ერთად არასდროს მინახავს... უბრალოდ მშვენიერია... ბავშვობაში, ალბათ, ყველას დაგისვამთ ეს პატარა კოპლებიანი არსება ხელზე და გიკითხავთ : “ჭია, ჭია, მაია, ხვალ თუ კარგი დარია?” აღმოვაჩინე, რომ ის მხოლოდ ბავშვობაში კიარა დიდობაშიც ძალიან მოგვწონს :) 

ყოველ დილით, როდესაც ვიღვიძებ და გარეთ გამოვდივარ, ვამჩნევ როგორ იცვლის ბუნება ფერს ყოველდღიურად, როგორი ლამაზი ხდება ხედი ჩვენი სახლის ეზოდან... და უნდა გითხრათ ისიც, რომ ეს სამოთხე ბაღდათის რაიონში, სოფელ ზეგანში მდებარეობს. დიახ, სწორედ აქ უნდა იყო, რომ შეიგრძნო გაზაფხულიც, ზაფხულიც, შემოდგომაც და ზამთარიც... ჟამთა სვლა...

მინდა ისევ ჭიამაიებს დავუბრუნდე და გითხრათ, რომ აქამდე ბევრი რამ ჭიამაიებზე არ ვიცოდი, არც ახლა ვიცი “ბევრი” მაგრამ მინდა მათ შესახებ ცოდნა გაგიზიაროთ...

ეს პატარა არსებები თითქმის ყველა ქვეყანაში ბინადრობს და თურმე ყველასათვის სასურველ სტუმრად ითვლება.  ლეგენდების თანახმად ადრე მას ღვთის “სისხლის წვეთს” უწოდებდნენ. ამბობდნენ, რომ ჭიამაიები ცაში ცხოვრობენ და დედამიწაზე იმიტომ ჩამოდიან, ხალხს ღვთის ნება ამცნონო. თურმე ეიამაიას ყველა ქვეყანაში ბედნიერების სიმბოლოდ აღიქვამენ და მისი გამოსახულებებით სახლებს რთავენ.  გადმოცემებს თუ დავუჯერებთ, ჭიამაია ღვთისმშობლის მოვლენილია და ერთადერთი მწერია, რომელსაც ადამიანის ენა ესმის. მას თქვენი სურვილის ზეცამდე მიწვდენაც კი შეუძლია. დაიმახსოვრეთ, რომ მისი მოკვლა ან სახლიდან გაგდება კატეგორიულად აკრძალულია.

ასე რომ ჩემო მეგობრებო, ჩემო საყვარლებო, ბევრ ჭიამაიას გისურვებთ... ♥️





ავტორი: თეონა წითაძე

სამი გარდაცვლილი და ერთი დაშავებული

ავტოსაგზაო შემთხვევას ყვარელში სამი ახალგაზრდას სიცოცხლე ემსხვერპლა.

“მერსედესის” მარკის ავტომობილი გზის სავალი ნაწილიდან გადავიდა და ხეს შეეჯახა, რის შედეგადაც ერთი ახალგაზრდა ადგილზე, ხოლო ორი საავადმყოფოში მიყვანისთანავე გარდაიცვალა.  ავტომობილში იმყოფებოდა კიდევ ერთი ახალგაზრდა, რომლის ჯანმრთელობის მდგომარეობაც ამ ეტაპზე ძალიან რთულია. 

თვითმხილველები ავარიის მიზეზად გადაჭარბებულ სიჩქარეს ასახელებენ.

შინაგან საქმეთა სამინისტროში აცხადებენ, რომ მომხდარზე გამოძიება სსკ-ის 276-ე მუხლის მეექვსე ნაწილით დაიწყო.

როგორც ცნობილი ხდება გარდაცვლილთაგან ერთი 17-ის, ხოლო ორი კი 22 წლის ახალგაზრდაა.

ავტორი: თეონა წითაძე

ფოტო: ინტერნეტ სივრციდან

თვალის ფერი ყველაზე მნიშვნელავანი დეტალია თქვენი პიროვნების ხასიათის ამოსაცნობად

ალბათ დამეთანხმებით, რომ ადამიანის ამოცნობა იწყება მისი თვალებით. 
თვალის ფერის მიხედვით შეგიძლია ამოიცნო ადამიანის ხასიათი. 

არიან ადამიანები, რომლებსაც “გაუმართლათ” და თაფლისფერი თვალებით დაიბადნენ. მათ ღრმა და მიმზიდველი მზერა აქვთ. 
მეცნიერებმა დაამტკიცეს, რომ თაფლისფერთვალებიან ადამიანებს უნიკალური ხასიათი აქვთ. ისინი უფრო მეტ ნდობას იწვევს, ვიდრე ცისფერთვალებიანი ადამიანები. ბევრი ერთგული მეგობარი ჰყავს, რომლებიც მხარს უჭერენ და ეხმარებიან ახალ წამოწყებებში. თაფლისფერთვალებიანების ენერგიულობა, აქტიურობა, მგრძნობიარობა და ცნობისმოყვარეობა ნებისმიერს აღაფრთოვანებს. 

ისინი ადვილად პოულობენ სამსახურს, აღწევენ პროფესიულ წარმატებას. ნებისმიერ ადამიანთან 

შეუძლიათ დამეგობრება და საერთო ენის გამონახვა. ფსიქოლოგები თვლიან, რომ თაფლისფერთვალებიანები მეტად ემოციურები არიან, ვიდრე სხვა ფერის თვალის მქონე მამაკაცები. მათ უკეთ ესმით ქალის და რთულ მომენტში გვერდიდან არ მოსცილდებიან. 

თაფლისფერთვალება ქალებს - დიდი გული აქვთ. მზად არიან ყველას დასახმარებლად. სირთულეებს არ უშინდებიან.  
თაფლისფერთვალება ადამიანები ფრთხილად უნდა იყვნენ, რადგან მათი კეთილგანწყობით გარშემო მყოფებმა შეიძლება ბოროტად ისარგებლონ. 

შავთვალებიანები ვნებიანი, ენერგიული ადამიანები, ინიციატორები არიან, ხასიათდებიან განსაკუთრებული შეუპოვრობით, ადვილად უმკლავდებიან ცხოვრებისეულ სირთულეებს. არიან აზარტულები. უყვართ მოქმედება და ყურადღების ცენტრში ყოფნა. გადაწყვეტილებებს იღებენ დაუფიქრებლად, ამიტომ ხშირად ცდებიან. ასეთი ადამიანებისთვის არ არსებობს წინააღმდეგობა. როდესაც ისინი მიილტვიან სასურველი ადამიანისკენ. მათ ვერავინ და ვერაფერი გააჩერებს. თუმცა ხანდახან მათი ასეთი გამბედაობა, კრახითაც სრულდება ხანდახან, რასაც დიდი ტკივილი მოაქვს მათთვის. 

ლირჯი თვალის ფერის მქონე ადამიანები არიან რომანტიულები, აქვთ ძლიერ ემოციური და მგრძნობიარე ბუნება. ხასიათდებიან გულუხვობით, საიმედოობით. კეთილსინდისიერად ასრულებენ თავიანთ სამუშაოს, კარგად აქვთ განვითარებული ფანტაზია, ტკივილის მიმართ ზედმეტად მგრძნობიარენი არიან. ახასიათებთ ქედმაღლობა და ამპარტავნება. ხშირად ვერ იგებენ სხვის პრობლემებს ან უბრალოდ არ უნდათ მისი გაგება. 

ნაცრისფერთვალებიანები მიმზიდველი ტემპერამენტული მგრძნობიარე, მახვილგონიერი და იმპულსური ადამიანები არიან. ზოგადად მუქი ფერი არის ფეთქებადი და კონფლიქტური ადამიანის მახასიათებელი.

რომელიც ამავდროულად სწრაფად ივიწყებს ყველაფერს. ხასიათდებიან კატეგორიულობით. ამ ფერის თვალების მქონე ადამიანების მინუსად შეიძლება ჩაითვალოს მათი კაპრიზები, რომლებიც იშვიათად, მაგრამ მაინც ახასიათებთ. ისინი ძალიან კონტაქტურები არიან. აქედან გამომდინარე ძალიან ხშირად ნახულობენ საერთო ენას სხვა ადამიანებთან.

ეს ტესტი გეტყვით როგორი ხართ თქვენ ...

 სამი სურათიდან აირჩიეთ ის, რომელზეც, თქვენი აზრით, ყველაზე მდიდარი ადამიანია გამოსახული. 
თუ გოგონა აირჩიეთ პირველი სურათიდან
თქვენთვის მნიშვნელოვანია გარშემომყოფების აზრი. გიყვართ შექება და ქათინაურები. 

თქვენი ძლიერი მხარეა: ადამიანებთან კარგი დამოკიდებულება. თუმცა, ზედაპირული. გიცნობენ, როგორც ოპტიმისტურ და პოზიტიურ ადამიანს. ფულთან განსაკუთრებული დამოკიდებულება გაქვთ: ქარის მოტანილს ისევ ქარი წაიღებს. 

თუ ოჯახი აირჩიეთ მეორე სურათიდან
თქვენთვის სიმდიდრე ფართო ცნებაა. ნამდვილ ღირებულებას სიყვარული, ოჯახი, სიკეთე, ურთიერთთანადგომა წარმოადგენს. 

ფულის ფლანგვა არ გახასიათებთ. პირიქით, ეკონიმიასაც მიმართავ ხოლმე. 

თუ მამაკაცი აირჩიეთ ძაღლთან ერთად მესამე სურათიდან
სიმდიდრე ძალაუფლების სინონიმია. ძლიერი პიროვნება ხართ, ლიდერი. შეგიძლიათ ადამიანები მიზნების განხორციელებისთვის შეაგულიანოთ. ხშირად უხეში და კატეგორიული ხართ. მაგრამ დახმარებაზე უარს არავის ეუბნებით. 

32 წლის ქალს სექსის შემდეგ გული გაუსკდა

32 წლის კოლუმბიელი ქალის გარდაიცვალების მიზეზი თავის პარტნიორთან გატარებული 5 საათიანი უწყვეტი სექსუალური აქტი გახდა.

 ქალმა შეყვარებულს უთხრა, რომ იგი შეუძლოდ გრძნობდა თავს, რის შემდეგაც მამაკაცმა სასწრაფო გამოიძახა. დიდი ხნის დაგვიანების გამო, უგონოდ მყოფი ქალბატონი მამაკაცმა ტაქსით სასწრაფოდ მიიყვანა საავადმყოფოში. 

მიუხედავად ექიმების ძალისხმევისა, ქალის გადარჩენა ვერ მოხერხდა. გავრცელებული ინფორმაციის თანახმად, გარდაცვალების მიზეზი გახდა აღმგზნები ნარკოტიკული საშუალებები, რომელიც გათვლილია სექსუალური აქტის გახანგრძლივებისთვის, რომელსაც მძიმე ზეწოლა გააჩნია გულზე.

32 წლის ქალის ორგანიზმმა წამლის ზემოქმედებას ვერ გაუძლო და საავდმყოფოში მიყვანამდე გული გაუსკდა.

წყარო: mirror

ბაღდათში საერთაშორისო ღვინის არტ ფესტივალი 5 ოქტომბერს გაიმართება

  ბაღდათის მუნიციპალიტეტი საერთაშორისო “ღვინის არტ ფესტივალს” 5 ოქტომბერს პირველად უმასპინძლებს.
 ღონისძიებაზე წარმოდგენილი იქნება ბაღდათელი და მეზებელი კუთხეების  მეღვინეების მიერ წარმოებული ღვინო, რომლის დაგემოვნება და შეძენა ადგილზევე შეეძლებათ ფესტივალის სტუმრებს.  ასევე საწნახელში ჩაიწურება ყურძენი, გამოიხდება არაყი, დამზადდება ჩურჩხელა.
მოეწყობა ხელთნაკეთი ნივთების, ნიჭიერი მხატვრების ნამუშევრების, ნატურალური პროდუქტის გამოფენა-გაყიდვა, აგრო ტექნიკის გამოფენა და სხვა.
ასევე ფესტივალის ფარგლებში გაიმართება ინტელექტუალური თამაში “რა? სად? როდის?” რომელიც მოიცავს შეკითხვებს ღვინოსა და მაიაკოვსკის შესახებ.
 ბაღდათის მუნიციპალიტეტის მერიის განმარტებით ფესტივალის დაფუძნების მიზანია ბაღდათის, როგორც ახალი ტურისტული დანიშნულების ადგილის დამკვიდრება და ადგილობრივი წარმოებული პროდუქციის, განსაკუთრებით კი ღვინის პოპულარიზაცია და რეალიზაცია. ასევე ფესტივალი ხელს შეუწყობს მუნიციპალიტეტის ცნობადობის ამაღლებას, განვითარებას და ადგილობრივ ეკონომიკურ ზრდას.
 აღნიშნული ღონისძიება ბაღდათის მუნიციპალიტეტის თვითმმართველობის ინიციატივით, ვლადიმერ მაიაკოვსკის სახლ-მუზეუმის ეზოში და მუზეუმის მიმდებარე ტერიტორიაზე გაიმართება.

გთავაზობთ პროგრამას:
12:00 საათი - ფესტივალის გახსნა-იმერული კუთხე; ღვინის გამოფენა გაყიდვა-დეგუსტაცია, ადგილობრივი წარმოების ნატურალური პროდუქციის გამოფენა-გაყიდვა, ხელნაკეთი ნივთების გამოფენა-გაყიდვა, ნუმიზმატიკური ნივთების გამოფენა, წიგნოვაცია- სამოლაშქრო ტურიზმი, ყვავილების გამოფენა-გაყიდვა; ფერწერული ტილოების, სამოსის და ფოტოების გამოფენა, მაიაკოვსკის მუზეუმში ვიზიტორების მიღება, "ვაზის ქორწილი" ყურძნის სახალხო დაწურვა, ბადაგის დაგემოვნება ფელამუშის მოდუღება-მასტერკლასი, ჩურჩხელის მასტერკლასი-ამოვლება, არყის გამოხდა; კულინარიული მასტერკლასები იმერულ ეზოში; აგროტექნიკის გამოფენა.

12:30 - ინტელექტუალური თამაში რა? სად? როდის? თემაზე ღვინო და მაიაკოვსკი, ვ. ვ მაიაკოვსკის სახლ-მუზეუმის ლიტერატურული სალონი; 
15:00- 18:00 არტ-ფოლკლორული, კლასიკური და ქალაქური მუსიკა; საპატიო ბაღდათელის დასახელება- დაჯილდოება;
18:00- 19:00 არტ-მაიაკოვსკი;
21:00- ელექტრონული მუსიკა ლაზერ შოუს თანხლებით, ფოიერვერკისა და ფრანების გაშვება.



თეონა წითაძე