13 ნოემბერს, გვიან ღამით, პარიზში ტერორისტული თავდასხმების შედეგად, 120-ზე მეტი ადამიანია დაღუპული, თუმცა საბოლოო რიცხვი ჯერ დაზუტებული არ არის. საფრანგეთში საგანგებო მდგომარეობა გამოცხადდა და საზღვრები ჩაიკეტა. ამბავს გამოეხმაურნენ სხვადასხვა ქვეყნის, მათ შორის, საქართველოს პირველი პირები. საქართველოს მოქალაქეებს მთავრობა სიფრთხილისკენ მოუწოდებს.
საფრანგეთის დედაქალაქ პარიზში მომხდარ ტერორისტულ აქტებზე პასუხისმგებლობა ტერორისტულმა ორგანიზაციამ, „ისლამურმა სახელმწიფომ“, აიღო.
საფრანგეთის პრეზიდენტმა, ფრანსუა ოლანდმა, ამ თავდასხმებს საომარი მოქმედება უწოდა, რომელსაც, მისივე შეფასებით, ტერორისტული დაჯგუფება „ისლამური სახელმწიფო“ უცხოეთიდან მართავს.
„ჩვენ ომის წინაშე ვართ და ქვეყანამ ამას შესაბამისად უნდა უპასუხოს“, - თქვა ოლანდმა.
No comments:
Post a Comment