არასამთავრობო ორგანიზაცია " მონიტორინგის ცენტრ-ქუთაისის მედიატორმა" ჩატარაბული აქცია-პერფორმანსით ქალაქის თვითმმართველობასა და ინფრასტრუქტურის სამსახურს გამოფხიზლებისაკენ მოუწოდა. აქციის მონაწილეებმა გორის ქუჩაზე შოთა მურღულიას სახელობის ორმო გახსნეს. ქუთაისის მერიის ინფრასტრუქტურის სამსახურის უფროსი, მალხაზ ბასილაძე აღნიშნულ ფაქტს გამოეხმაურა და განაცხადა რომ ფზის კონკრეტული მონაკვეთის შეკეთება დაგეგმილი ჰქონდათ. ამის შესახებ "მედიატორი" ინფორმირებული იყო და აქციის გამართვა დაასწრო. გზის შეკეთების სამსახურის ერთ-ერთი წარმომადგენელი ამბობს რომ მათ 27 ნოემბერს,დღის მეორე ნახევარში შეატყობინეს აღნიშნული გზის შეკეთების შესახებ, ანუ აქციის დასრულებიდან რამდენიმე საათის შემდეგ. მალხაზ ბასილაძეს ქუთაისის "მედიატორის" დამფუძნებელი საკუთარი ფეისბუქ გვერდის მეშვეობით ეხმაურება: "კარგია რომ ჩვენი აქტივობები გაიზულებთ იმუშავოთ. ბატონ მალხაზს ვპირდებით ბევრ მსგავს აქციას. ჩვენ არ მოგცემთ მოდუნების საშუალებას"- წერს გიორგი მარდალეიშვილი.
თეონა წითაძე
